¿Qué ye "Porrúa en bolas"?
Embedded Files
Porrúa en Bolas (PEB) ye un eventu cultural y artísticu innovador que se celebra nel pueblu de Porrúa, nel oriente asturianu, diseñáu p’averar l’arte y la cultura a les zones rurales. Esti proyectu axunta creatividá, tradición y participación comunitaria, tresformando elementos característicos de l’actividá ganadera del llugar, como son les boles de silu, en llenzos artísticos al aire llibre. L’eventu non solo promueve l’arte fuera de los espacios urbanos convencionales, sinón que tamién destaca la identidá asturiana cola partipación d’artistes que tengan relación cola rexón. Amás, pon en valor la economía ganadera de Porrúa, visibilizando la so importancia a traviés d’intervenciones artístiques nos elementos que formen parte del día a día de l’actividá agropecuaria.
La asistencia a tol eventu y les sos actividaes paraleles ye gratuita dafechu, col envís d’evitar cualquier tipu de barrera económica d’accesu.
¿Quién facemos Porrúa en Bolas?
Dirección:
Nieves González
Llicenciada en Belles Artes, Nieves González ye la creadora y impulsora d’esti festival.
Coordinación y mediación artística:
Nel Gutiérrez
Estudiante de Belles Artes, Nel encárgase de la mediación artística.
Coordinación y acividaes:
Pablo Piñera
Pablo ye psicológo, nel PEB ye l'encargáu de la coordinación del "Vermú en Bolas" y otres actividaes
Promotora:
Asociación Cultural Llacín
L’Asociación Cultural Llacín, fundada en 1993 en Porrúa, Asturies, entama y promueve actividaes culturales nel oriente asturianu, contribuyendo al desarrollu y espardimientu de la identidá del pueblu.
Mapa de las bolas de silo
Page updated
Google Sites
Report abuse